Bismillaahi rahmaani rahiimi. 
Allaahumma salli alaa Muhammadin wa sallim.

Ndii leydi fuuta adaade hande no heewunoo lorrirbhe Diina e gande lolliri fii dewal.

Hibhe jangi gandal diina wano Ghur’aana e hadiise on e no neddho gerdata fii dewal.

 

No e mabhe andubhe gande koode e Siimiyaau e Kiimiyaau e oo Hissaabu e Larbugol.

Hibhe andi Jagara fii e taarikaaji aduna e Lambhe mun e kabheeli mun gila fuddhagol.

 

Hi bhe and fii lekkeele men, hi bhe nyawnda nyaw­bhe, bhe sella, gandal tibbi ngal hi bhe andi ngal.

No e mabbhe andubhe gande Sirro, bhe huutoray; bhe toranto jon haaduuji en fii huntagol.

 

No e mabbhe Kadi Waliyaabhe, bhen dhon haaju mun ko Dewal e Diina e janquqol maa jannugol.

Yoga bhee ko jangi ko Fuuta Tooro e Mortanii hay Alzerii bhe yahayno ton fii jangugol.

 

Ko tugaale oo Lisilaamu darnubhe Diina Kan, midho linta wobbhe e mabhhe bheydane faamugol.

Alhaji Umaru danyaadho Halwar Fuuta on fellii jihaadi o fooli feenyubhe kufrugol.

 

Gandal e laamu ko ter e makko o moftu fow Waliyyaku makko waii wa naange e jalbugol!

On Saykhu sinthudho Dingiraawii darni dhon juulirde, taynhi nde saare mawnde ka sinthugol.

 

Si o felli Nyooro, o felli Hamdallaahi men Segu men e Sanasenden, bhe naati e silmugol;

Kartaa e Tombuktu e Maasina Kanje men, oo Saykhu udditu dhun o nangini juulugol !

 

Dheedhoo ko thae dhe o felli haa o radhii e mun heeferbhe bombhe e yimbhe fitina bhe murtugol.

Si o saaki non laawol me'en tijjaani ngol nder Leydhe Afrik, yimbhe weltori naatugaol!

 

Hi mo wallifii nooneeji defte mo jangi dhen, o taway wa makko alaa e fathu e jangugol.

Wano oo Rimaahu e oo Safiinatu dhen yonay kono seedanoo Saykhuujo men on foolugol.

 

Fillaama wonde o arno Saatina jangugol o resiino dhon suddiidho fewndo ka jangugol.

Ko ka Leydi Maasina faatagol oo hoddiraa! Yaa Alla yaafo mo yarlodhaa mo yo jon matal!

 

Wallafuyee Thierno Abdourahmane Bah

---

---