Pita kan ko Thierno Dayeejo fudhorten, ko on woni bhurdho dhuudhude taalibaabhe ko jon bhural.

Yahunoodho jangoyi Dingiraawii, kurkanii Al Hadji Umar o nangi wirdu ka artugol. 

 

Nde o hewtitoynoo Leydi Timbi, o wonti dhon,  hooreejo Diina muqhaddamuujo ka wirdagol.

On jannu fewni jamaaji Timbi e kawte mun e jamaanu makko alaa wa makko e jangugol.

 

Thierno Dayeejo Mo Timbi tambino Diinakan e jamaanu makko o moobhi yimbhe e jannuqol.

Suhnuunu Maasi e Saykhu Munziru, janto bhen; ko bhe Taahbaabhe subhaabhe, moyyhubhe ardagol.

 

Suhnuunu yahuno ka Saykhu Umaru o jangi ton o hedhii, o artiri gande mawdhe e faamugol.

Saykhuujo Maasi wiaadho Thierno Ma’aawiyah, jondokke, jon gandal newiingal, jon dewal.

 

Wano Thierno Ibraahiima Mbemba mo Tokosere, wano Thierno Mahdiiyu Mo Timbi ko jon gebhal.

Wano Thierno Ma’aruufu Mo Pita on dhon ko Timbi Madiina jannaynoo o wonti e waajagol.

 

On men ko jangudho Dingiraawii, galle Sayku Umaru, o kurkanii mo haa tuma ruttal.

Alfaa Muhammadu oo mo Tanga, lintu on Gongoore lintaa Thierno Sanussi jon gebhal.

 

Wano Thierno Ibraahiima Teli ko mo Bantinhel, On men ko jangudho waawi tabitani jangugol.

Alfaajo Ibraahiima Kali Lamban ko nii Alfaa Umar oya Timbi Nyaali danyii Malal.

 

Wallafuyee Thierno Abdourahmane Bah

---

---