Wano Thierno Boobo Konaa, ko on dhon wallifii gimi, taalibaabhe no wallitora fii jangugol.
          .
Alhamdu Boruwal men ko jangudho defte buy. Wano Thierno Faalilu oo Konaa jon ruudhagol
 
Fatakoo a lintay Thierno Wuuri, bhe wiino on ko e Ghutubu Tuubaa dambe mun woni hattugol.
 
Ko waniidhe Foodee Yuusufu on men ko nder Fatakoo danyaa, jaakanke juutudho alluwal.
 
Wano Thierno Naasiru oo mo Weendu Malanga men ka Misiide Mawnde Koyin o okkaa julnugol.

Ka Misside Balafooyaa ko Alfaa Aamadu Nerebun no atthani Thierno Haadii jannugol

Ka Misiide Tunkurumaa Ko Thierno Malal o jangu ka Thierno Taslima, o roni on jannugol

Ka Misiide Jambese Thierno Abdulaahi on ko e Thierno Mamudu mo Barita danyi gebhal

Wano Thierno Aalimu e Thierno Boob dhidho ko Koyin misiide bhe daakinoo fii fewnugol.

Saykhuujo Yaayaa yaano Ngaabu o wallitii Alfaajo Ibraahiima Mawdho Ka fellugol.

Wano Thierno Mammadu Sanguyaa on men hebhii gebhe mawdhe leydi Koyin, bhe maniri mo munnyagol.

Nde o artunoo o wonii Misiide Koyin o moobhi jamaaji dhuudhudhi taalibaabhe e jannugol.

Wano Thierno Haamidu oo Wulenkoo lintu on on men ko gando yidhaadho moyyhudho ardagol.

Wano Thierno wietee Fooduyanke Aliiyu on Ko mo Hoore Koole rewoowo dhuudhudho hoorugol.

 

Wallafuyee Thierno Abdourahmane

---