Wano Thierno Haamidu Heerikoo, tawhiidi on wallii no jooman andiree, mo yidhii Dewal!

Karamoo Dalen wieteedho lbraahiima on, ko ka Thierno Bhuubha N'Diyan o nabhanoo jangugol.

 

Ne o gaynunoo gandal o seenii Timbo tun Almaami Baakar halfini mo fii fewjugol.

On janginii Alfaa Urnaru Bagu gande buy, Alfaa Nafaaji Thierno Bhooyi jon dewal.

 

Wano Thierno Aamadu Booto Mangii, on  kadi Al Hadji Karamoko Mustafaa moftii gebhal.

Alfaajo lbraahiima Bulliwel wonii Thiernoojo mawdho, o halfinaa dhon julnugol.

 

Alfaa Umar ka Misiide jamburuyaa ko bhee Kararnoo Dalen neunoo o wawni bhe jangugol.

Kararnoko Kulabiiyu mo Kaalaa Hinde on, on julnu dhon, on janni dhon haa faatagol.

Tuma taarugol Almaami fawnditinoo ko on hiwroytonoo tuma hawtitaa fii taarugol.

Al Hadji Mammadu Aaalimu on Seeriyanke mo Nyorgo Keeligiyaa ko jon gandal njanal.

 

Thappandhe nay duubhol o julni o ardinaa jaamiu Fugumbaa on, o tabitini julnugdl.

Ko wanii dhe julniri Thierno Sanusii duubhi buy Karamoko Alfaa, on adii mo ka julnugol.

 

therno Sulaymaana Mo Bhuriyaa lintu on. Telikoo ko Karamoko Makka danyunoo lollugol.

Wano DaaraTimbo no feenyi dhon Alfaa Umar, on Nyoogeyanke ko Daara Labe yahi jangugol.

 

Thiernoojo Sanusii, on ko Dune woni saare mun, ka Misiide Bulliiwel o feri fii jangugol.

Wano Mustafaa thernoojo on mo Kolen hodhii Ndantaari Fatakoto haa si tawoyi mo dhon lajal.

Wano Thierno Idi on dhon ko Bulliiwel hebhaa on men ko dhuudhudho taalibaabhe bhe ko jon dewal.

On non ko sombili jangunoo, ndeo foolunoo tun Thierno Dura hoolii mo halfini jannugol.

 

Wallafuyee Thierno Abdourahmane Bah

---

---