Fii Laabhal
Fouta Djallon
Laabhal ko thellal, soobinee fii laabhugol;
kala neddho laabhudho nawnugol mun dhuudhata
Aaden yo labbhin bhandu, labbhina thonthi mun,
maa nyiiri mun maa mbalndi mun hara tuunataa.
Hoosen kodhooli me'en e thae men, labbhinen
nder kowlemen, nder thuudhi men haa laabhita.
Laybhee miranji dhi huutoroyton labbhinon
ka defirdhe maa nyaamirdhe fow mun nyiddataa.
Gosu nyiiyhe lootaa noppi maa, ley nalki maa,
si a fembi maa si a mekki fow mun harmataa.
Lootir ndiyan saabunde juudhe ka nyaamugol
kulloy rubhoohoy koy si maaya ko wurtataa.
Nyawndoobhe inni ko rentagol bhuri nyawndagol;
neddhanke nyawdho ko walleteedho mo wallataa!
Mono dhabbha andude honto nyaw wadhi suudu mun
yo o ndaaru tuundi, ko teekidaydhi dhi seedataa!
Maakii Nulaadho (yo jooma hisnu mo reena en)
« Laabhal, jeyaama e liimanaaku » Mi wersataa!
Wallafuyee Thierno Abdourahmane Bah
