Nde weeloyanoo Sahaabaabhe,

Korun tew ngawri defanaa bhe;

O harni guluuji weelaabhe,

O yarni guluji dhondhaabhe

Duaa'u Annabi Mahmuudu.

 

O defanaa teewu tookaadho.

Nde bhannanoo mo Bhurnaadho,

Kisan wi'i tewu tokiidho

« Wata'a nafo Ian yo janfaadho,

Mi djanfotaako Mahmuudu.

 

Nyalande Badri wadhi nyawla.
Qurayshi en moobhii hibhe wowla;

Bhe hebbinoyi aynde hibhe bhawla

Nuladho jangin bhe Laahawla

Bhe teedhi Annabi Mahmuudu.

 

Nde baaba Sufiyana jom iiru

Ari no mantoo no yara beere.

Nde fottanoo dhondhee koe wiiru

a halki horebhe keefeeru

Reii bhe Annabi Mahmuudu.

 

Ko jungo tew kotthu nder Badri

O sanki dhon tun o hebhi nasru.

O fooli bhe, o halki bhe, bhe hayri.

O harni heeferbhe fow hoyre

Bhe yeddu Ahmadu Mahmudu.

 

Iwi e dhun fottoyaa Uhudi.

Nde sendanoo dhon kure e thondi,

Nuladho munthirno bhe wa kotthu

Bhe fooloyaa dhon kadi, bhe jindi,

Bhe hersi Annabi Mahmuudu.

 

O fooli heeferbhe ka Hunayni;

Taabuuka men yimbhe mu'n hoyna

Bhe halkori dhon sabu bhe dhayna,

Bhe lundi dandaydho en fewna,

Wiadho Ahmadu Mahmuudu.

Wallafuyee Thierno Abdourahmane

---

---