Nuladho okkaadho bhurnaadho,

Subhaadho suttaadho, hoolaadho,

Tefoowo, hisinoowo, jabhanaadho,

Hadhoowo, yamirowo, dhoftaadho,

Wiadho Annabi Mahmuudu.

 

Hedhee nanon jikku Bhurnaadho

Dhi hentinay bhernde sawtaadho.

Mo fahmi dhii dho yidha Nuladho

Mo jenti dhi'i o wona maladho

Ko jikku Ahmadu Mahmuudu.

 

Nuladho nyotayno padhe rnakko;

Nuladho walkayno disa rnakko;

Nuladho defanayno kodho makko;

bhiranayno yirnbhe hodho makko:

Ko nedi Annabi Mahmudu,

 

O waddhinay kurkakoy makko

E dow putthi, bhe yaha Makka;

O seenotono mayde gidho makko;

O tooloda e loubhe hodho makko

Bhadoobhe Ahmadu Mahmuudu

 

Nulaadho yhawnaadho kammuuli!

Nulaabhe fow ardini mo juuli

O fandoyaa ton gebhe o fooli.

Bhe Sidrati-l-muntahee djuuli

Bhe sanni Ahmadu Mahmuudu.

 

O okkoyaa djuldhe farlaadhe

O bheydanaa gebhe lintaadhe

To Walluhee, gebhe yarlaadhe,

O andina kuudhe yettaadhe

Si arti Annabi Mahmuudu.

 

O fandoya tondhe Ghur'aana

Nde wontanay jangudho nde laana,

Nde yimbhe fow shoxli fow aani,

Bhe fattoyii yimbhe Ghur'aana

Yo faabho Annabi Mahmuudu.

Wallafuyee Thierno Abdourahmane

---

---