Yo Jooman Juulu Hisna e Annabiijo
Bismillaahi rahmaani rahiimi.
Allaahumma salli alaa Muhammadin wa sallim.
Yo Jooman juulu hisna e Annabiijo
e yimbhe mu'un O barkina Annabiijo
tageefo ngo dow kanyun e ngo ley ngo foppete
ko wonaa dhun e lakkere Annabiijo
Yidhaadho yedhaa subhaa bhanna e joomun
Nulaadho e tageefo ngon fow, Annabiijo
Mo Jooman wanji maaje ngalluji muudhun
e yimbhe mu'un O bheydani Annabiijo
Mo dokke mu'un no fooli tobhooji heewde
kabii dhin men ko dokkal Annabiijo
Mo jon al-arsi mawnini jikku muudhun
O jippini mantugol o'o Annabiljo
Mo Jooman royri dhun haa tiniri joomu'un
kolonha mu'un alaa wano Annabiijo
Mo aljannaaji ontaa, hodhubhe ton bhen
tyudhaa sabu royregol o'o Annabiijo
Mo moyyhuki bhandu muudhun fooli lewru
yidhaadho labaadho fooludho, Annabiijo
Mo dambudhe kammu dhen ontanaa o tolnaa
o royraa haa o yawti dhe, Annabiijo
Mo Jooman manti inde mu'un nde yubbhaa
e bhoggol inde joornu'un, Annabiijo
Mo Annabi yemme fow e malaaikaabhe
kanyun e nulaabhe nyentin Annabiijo
Mo faala lintuqol bhure makko ronkay
bhurii mbunbuldi fow bhure Annabiijo
E leddhe e kaaki, duule kanyun Ie moobhoo
si naange wulii dhe dhowdina Annabiijo
O maaki yo lewru seeko ndu seekorii non
ndu yattyori rewude kongol Annabiijo
Tobhooji Ie saayhi yontere fow no wanjoo
nde nyaagoyinoo dhi joomu'un Annabiijo
O maaki hehu helti nde yimbhe wiunoo
tayhii dhate fow yo nantudhi Annabiijo
Ubbyyu Ie feere mun boni nyande arunoo
no kufra e yeeso gaawal Annabiijo
O harni e saai yimbhe wuluure heddii
o yarni wa bhen e beeleI, Annabiijo
Nulaadho nde feenyuoo sanamuuji dhin fow
tawaa hino junnitii sabu Annabiijo
Nulaadho men Muhammadu jon Mburaagu
e waado karaarna teddungo, Annabiijo
Nulaadho me'en subhaado, yo All h yuulir
e makko o bheyda teddude Annabiijo
Mo habbhirii reenugoI Allaahu juukoy
Abuu jahlirdi, woorundi Annabiijo
O jalbini Ieydi ndin fow haa he hayri
kubheeje to Shaamu, iskin Annabiijo
Mo Alqhur-aana on tellii e muudhun
si janni nde, waawni en oo Annabiijo
Newiinde nde hiddhataa fewnoore welnde
nde mettitataa yidhaande ka Annabiijo.
Wallafuyee Thierno Aliu Bhuubha N'Diyan
