Bismillaahi rahmaani rahiimi.
Allaahumma salli alaa Muhammadin wa sallim.

Thandhi Madiina ko annooraji tun ilata
leddhe madiina ko rilwaanuuji tun rimata

Nokkuuji mayre ko Aljannaji nanditata
barkeeji mayre mo lintii dhun taway gasataa

Koreeje mayre ko moyyhingol e gandidhugol
e laabhugol mahiraa townaa nyenyaa nyenyitaa

Ko Annabiijo me' en wernaa e mayre, ko dhun
si nuuru mayre no duumii, miwdhataa nyifataa

Yaa Allah jul abadaa hisina e makko kanyun
e yimbhe makko no waawirdh a, sowaa sowitaa

Haa o'o Nulaadho e okka labbhinaa labinaa
townaa yidhaa moyyhinaa bhurnaa subhaa subhitaa

Nulaadho goonga mo Aighur-aana tellinanaa
fewnoowo faade e laawol Allah ngol selataa

Bhurnaadho mawdho mo joomun hikkii fii ko mu'un
e fii ko makko, mo dhabbhi serdugol danyataa

Nulaadho Alia mo joomum seeki in de mu'un
e inde Makko, o wi'i dhe'e indehe woddhodataa

Kaaransireejo mo dokkal newre mu'un tayhataa
funnisireejo mo aagal yeeso rnu'un utataa

Okkordho yimbhe danyal, ardiidho yirflbhe malal
timmindho yimbhe nulal, jannoowo n ko fitaa

Subhaadho Allaahu jom darjaaji mawdhi,
mo ngo’o tageefo fow tagiraa; fattiidho o'o fadhataa

No haani haalde ko liimaanaa ko selliniree
e fii Nulaadho mo majii fodde dhu'un gasataa

Ben Annabiijo ka Abdullaahi on Ie ko bhii
Saybatu on woni Abdul Muttalibi Iwata

Ben on ko Haashimi bhe'e noogay e go'o nabhee haa
adnaana; hunjiidho bhen, fillaama on sumataa

Yumma Nulaadho me'en maakaama Aaminatu
juulaa e makko yo jooman, duuminaa sowitaa

Danyaadho weet'de tenen wendoogo seppo e dhidhi
paran to Makka nde horrnantaaku mu'un tayhataa

Ben makko faatii adal jibineede makko, ko maama
makko bhaawo o feenyT wonti dhon fijataa

Ndeen non Halimatu seenii Ma'kka dhabbude ton
boobo ko muynina; «bii bhen kan ko dhun wadhata

Laatii ko kanko yedhaa muyninde burdho me' en
kaaweedvi feyyhii e dhun, haalgol dhi dho'o heyhataa

Nulaadho fondo mu'un seeka ga entere dhon
lootaa si ittaa gebhal shaytaane ngal, nyoitaa

Ka timmunoo duubhi nayi dhon yumma makko wulii
ko non nde jeetati runoo maama on jabhitaa

O wonti non en maral bappaajo makko,
Abuu Taalibeben yuutyo jom ganda Aliyyu fatah

Nden duubhi makko yonii tyappandhe nayi e go'o
e suumayee o nelaa : ayeeje dhen o fitaa

O wakkilaa Iewnugol o'o kawnu fow, o defaa
yirbinde meerente fow, keefeeru feenyitataa

O noddi faade e peewal duubhi sappo e tati
noddaandu huubhundu yimbhe e jinna fow selataa

Hooreebhe keelceru bhen ballii mo yeddi mo go'o
bhe fawji warde mo; fii tu ndeeno o jabhataa

O newnana fergol ndeen non, o seenori ngal
Madiina Taybata dosngal goonga ngal helataa

Nden non duubhi makko yonii tyappandhe jowi e tati
polgal e towal e ballal Allah ngal tayhataa

Hoorebhe keefeeru bhen moobhii, bhe hawroyi non
to aynde Badri, bhe wadhdaa dhon ko bhe yejitataa

Allaahu halki bhe fow haa diina Makko darii
keefeeru yirbi, dhatal Allaahu ngal yiitaa

Seeraali non hibhe ewnoo pewje fii libhugol darjaaji
mawdhi mo nando toowde mu'un wadhataa

Haa Allah walli mo kongol goonga fooli darii
meerente fuuyi libhaa bonnaa ko moyyhitataa

Iskin Nulaadho mo annooraaji yeeso mu'un
no fooli naange, mo dokkal newre mu'un tayhataa

Yidhaadho Allaahu koohoo Annabiijo tefoowo
tefneteedho nde darngal satii juudhe nhataa

Nde Annabiibhe toraa tefugol bhe maaka bhe fow:
«toree Muhammadu jom giggol, ko on tefata»

Hammen ka makko, o seenoo haa ka arsi, wiee:
«tefan mo yiddhaa»; ko dhon bhurdalji .yaltitata

jom waado yettude ngon, jom weedu Kamsara,
jom mburaagu, jom gangunal ngal nuurur mu'un nyifataa

jom muujijaaji dhi moftirtaake lintudhe dhun
yonnt ma deftere jooman nden, nde majitataa

Joltaande barke e gandal heewnde moyyhi mu'un
newiinde welnde ko fiilaa woo nde mettltataa

Gandhindlnaare no moobhaa defte feyyhudhe fow
e mayre, heewnde bhural janginde en sumataa

Wasuuji bhurdho wanaa haa lanna sindo warraa
baraaji halkulde; en fankay en jokkataa

Maakii Nulaadho. «mo mantiilan, tijor  danyay
tefoore an nyande darngal, nuande kuudhe etaa»

Ko dhun si fuddhumi dhi’i gimi, min e majere an
ko nyaagoren khafranal jo’o dokko o dhawataa.

Wallafuyee Thierno Aliu Bhuubha N'Diyan

---