Bismil’llaahi’rahmaani’rahiim – Mi wallifino yimre arabu fii duanagol Siriifu Sagale
Fewndo ko bhe faatii e 1957. Yimbhe buy tori lan yo mi wattanbhe dhi e pular no dhi woniri ka arabu non. Wattirmidhi non ka pular.

Mi yetii ILAAHII wardho wurni, si on yidhii
O immitinay yhie kiddhe huunde O waasiraa.

Alaa hunde ley Allaahu Sakko O rondoyee
alaa huunde dow Dyooman si foolamo maa bhuraa.

O naataa e nder goddhun si dhun howa zaatikin
mi torikema dyooman walliton non mi yubbhiraa

Yo dyulde e kisiyee duumo poomaa e Annabiidyo
peewal ko, 0n woni maayo okkoowo dandoraa.

Mutii naange googa e Fuuta waghtu nde wirninoo
Shiriifundyo men Shaykhuudyo wullen mo Haydaraa.

Enee mayde sugu bhee dhun ko hattirde dhuytagol
waliyyu si faatike mofte hawkoto hayroraa.

No haani ka hullen alyatiirnaku diyulbhe fow
ka rottyude pitilol Diina ngol Fuuta fewniraa.

Ko alkamisaare e lewru haddyu ka walluha
ka dyowi mayru dhon faatunde oo Shayku hoddrraa.

Ko Allaahu immini oo Shiriifuudyo Fuuta men
yonii duubhi nay tyappandhe himo dyanna waadyoraa.

Fudhi naange peewal nyande bhee hewti fuuta men
bhe seenii bhe subhoyii leydi Sagale ka fow araa

Ko dhon nootoyii nde bhee noddunoo Alla yimbhe fow
Bhe fewni dyamaadyi arroobhe, tuunubhe laabhiraa

Mo faala e kisal ko Sagale o hammata
o artira annooraadyi hewdhi o naftoraa.

Enee nadho huunde e yiidho fotataa mo ebbhidii
enen en yi’ir oo Shoykhu mawdho ko haaworaa

o fondindiray wano nyiiyhe saayordhe yimbhe fow
si won landho maa wonu bahdho gooto o bhurniraa

E mbatu wootu bhee fow waadyetee fiyakundyi Diina
mabhe e Lamru e Nahyu fow hino weltoraa

Si larnbhe ariino ka dambugal makko bhen wa'ay
wa suufaabhe wornbhe e dambuqal larnbhe fus bhuraa

karamaadyi makko no wai wa naange e tumbo kammu,
naa dyungo ombata naange dyalbunge liilliraa

Enee yahugol Abdul-Madyiidi Konaakiri
ko Shaykhu me en radhorii mo hiila no suudhoraa

Ko sagataa mo meedhaa yaltugol ka misiide dhon
si Shaykhu, rne'en newnii yo on yahu yawnoraa

Ko fii wota oo hebhu shokhola nawnaare Shaykhu nden
e fii wota yiu mayde Shaykhu o wemboraa

Ko sappo e' tato woni worbhe dyiblnaabhe Shaykhu men
ko dhen koode fudhudhe e kammu hentiidho hooloraa

Wonii afo Mabhe Waliyyu Siidi Mohammadu
ko moyyhudho dyikku befeedyo okkaydho walloraa

Ko on reeninaa bheyngure Shaykhu ko ngal gebhal
ndyanal subhanii mo Shiriifu, nee himo hooloraa

No anda e on dhon wakkilaare e pellital                        '
yo Allahu wallu mo aynugol bhe o hisnoraa.

No hikkii e on Abdurrahiimi mo dardya mun
a gandal moyyhal hay gooto hewtaa mo saka bhuraa

Ga yiidhaa mo woo himo. moosi dhaati no deyyhinii
no fertii no laabhi ko kuudhe moyyhe o andiraa

No hikkii e on Abdulmadyiidi siffadyi on .
hedhee dhi nanon ndin ngaari Diina ndi dyalliraa

O sukkaama law law endu andal o mupnl ndun
o -duumii e mun himo muyna ilmu e sukkaraa.

O sukkaarna endu munyal e nuuru e ruudhagol
ko waliyaaku rewgol Alia ooboo o.entiraa

Maqhaarnundyi dyeenay entiraama mo lando dhin
bhe haalante wonde ko dhin walyyaku ombiraa

O roninaama Shaykk me'en o lontike ardagoI.
no wai wane waawu hay huunde seediraa

Enee Ahmadul'Mukhtaaru naange zamaanu on
ko sagataa o foolu goreebhe sugu makko dhuudhiraa

O tinni e Diina ,ko, yewtudhaa woo a lannataa
o eltira rewgo! AlIa eltande haydaraa

Konni Mustafaa ndun lewru timmundu dyalbinayndu
tateedyi feewubhe nurdhugol dyalba andtraa

Ko Annabi Yuusufu on mo suddidho poodhunoo
o nandi e nhari kala nedho yiidho mo sintiraa

No hikki e oo Mahmuudu dyon nuuru dyon hudaa
ko non wai Iburaahiima mantaadho farnorra.

No lintaa e Karnbhe gedhalbhe bhen Ahmadun 'Umar
laamiinu mo nandi e baaba muudhun 0 toonyiraa

Aliyyu ko dyowlol nuuru on kadi lintu dhun
ka djande faransi e arabu huunde o mirnyoraa.

E Ahmadu Mahmuudu e Abdul Lattif en
Mohammadu Laqhzafu bhee ko koode ko bhen maraa

Ko naange e lewru e koode sappo ego'o woni
gedhalbe Shiriifu mi dyoopi tasko no faamiraa

Gedhalbhe ka rewbhe ko sappo hino indhe mabbhe dhen
e nder gimi tati dyangandht kala yiddho fassiraa

Ko Aaisatun woni mawdho mabbhe e Marya a
E wieteedho Ummul-Khayri, khayru o andiraa

E wieteedho Ummul-Fal'iin, summa Rughayyatun
E Faatimatun Khayraati Maymuunatun arra

E Aaisatul-Khayri e toolaadyo Faatima
ko bhe'e woni bhibbhe Shiriifu rewbhe no hundyoraa

Bhe fow ko bhe dyulbhe newlibhe tuububhe laabhi pos
dewal Alia tun woni haadyu mabbhe, bhe nawliraa

Bhe fow hibhe ruudhii dyangi haa faami Diina kan
no hen mawbhe hen tyurbaabhe needi bhe eltiraa

Mi torike ma yaa Rahmaanu yurmininde Shaykhu an
wadhan mo ka mofturu gangunal ko o khutbiraa

Nabhaa mo e takko Nulaadho soro makko newnoyaa
o tefana yowiibhe e makko nyande bhe nangiraa.

Wadhaa mo e takko bhe yaafidhaa sappo yarlidhaa
ka nder lahadi hibbaa nuuru haa heewa ombiraa

Ndiyan bhuubhudhan e gilaasi yanaa mo soonowo
ka weendu Nulaadho subhaadho innaandu Kawsaraa

Mi torike ma teddin fanda makko yo Dyooma an
yedhaa Shaykhu an Aldyanna firdawsi yandyiraa

E waabili yurmingol e waabili yaafagol
e fowtere urli e salsabiilu e ambaraa.

Mi torike rna okkan min e bheynquure an e dyulbhe
fow barke bhee yedhoyaa mi yiude bhe laakharaa.

Mi torike ma wurnu mo wurnudhaa e amen e hoore
diina yedhaa mo dewal dyabhaangal o dandoraa

Mi torike ma wargoI men e hoore medhen malla
medhen dyogitii liimaanu tuma saai hoddiraa

Ko an Aabidurrahmaani ado timmugol yimoo
re ma'a ewno kala fuutanke mun'nyinbhe mun'nyoraa

Mi mun'nyintinii on yimbhe Funta e faatagol
Shiriifuudyo fewnudho Fuuta findini naftoraa

Mi mun'nyintinii on mofte Annabi Ahmaduu
e faataade Almamiidyo almiidho weltoraa

Ga timmoode yimugol an mi toroto AIlaahu an
O dyuula e on tefoyoowo tuma kala sattiraa

O dyuula e makko salaatu humnaydho Aali en
mi yettii lLAAHII wardho surri mo waasiraa!

 

Labe Nyande 31/07/1957

Wallafuyee Thierno Abdourahmane Bah

---

---