Bheyquure hawtunde tyuudhi nanondirgol mu'un
wallay neaydho bhe weelataake bhe tampataa.

Nawliigu rewbhe wonay sabaabe no bhibbhe nawlira
ayra gerda, bhe wondataako bhe fottataa.

Kala on yamirdho ma ayrugol e musiddho maa,
wota tewto hay si ko Neene maadha a ninsataa!

Si musibbhe dhuudhii wobbhe wallay wobhebhen
si tawii bhe welduno fewndo needi bhe seedataa.

An Neene bhibbhe hedhii, mi haalane huutoraa.
Neu bhibhe maa neediiji moyyhi a jindataa!

Bhingel wonay Iangal si moyyhii needi mun
si o bhoyli yennete aybinee fus duntyataa!

Bhingel ko neema si feewu mantete farnoree
si o bhoyli yennete aybine fus duntyataa!

An baaba bhibbhe mi waajoto ma neu janginaa
bhee bhibhe maa fonnaa bhe ter tuma sendataa...

Mono dhabbha fowtere bhiddho yamira mo tiggugol
suddiidho gooto, mo bheydi ninsay tultataa...

Wallafuyee Thierno Abdourahmane Bah

Thierno Abdourahmane Bah