Fewndo Dabbunde
Pular
Tuma hendu dabbunde uuri wifi ndii Leydi men,
yaasiiji hentoo, boowe sunnee bhawlitaa.
Yoga leddhe sammina haako wonnko e thaldhi mun
bhortoo dolokhe mo bhorninoo tuma settata.
Neemaaji neetoo heege pottoo woddhitoo
haarande hiira e thuudhi gollubhe yiidita.
Bifidhin si hewtii leydidin yooray kisan
hi ndi feera surta ndi foofa haa die sayhita.
Jaangol wadhay haa yiite walta e sembungal
furnooji hubbhee wulna thuudhi dhi foosita.
Hudho yoora; kaakeeli tanhay haa yoora ken
hyappoobhebhen bhora nyappa thuudhi nde tontitaa
Ko e go'o Nowambur saai dabbude fuddhotoo
on wagh'tu duumoo haa Yunaayir fokkita.
Tuma kurkidon on naati wuudhira thendhe fow,
tuma boowe foori haray ko dabbunde artataa.
Wallafuyee Thierno Abdourahmane Bah
